Agjencia për Parandalimin e Korrupsionit (APK) ka njoftuar se procesi i deklarimit të pasurisë për vitin 2025 ka filluar më 1 mars dhe do të përfundojë më 31 mars 2026. Deri më tani, vetëm 1920 zyrtarë publikë, që përbëjnë 18.5% të totalit prej 10,340 subjekteve deklaruese, kanë kryer këtë obligim ligjor. APK i ka bërë thirrje edhe 8,420 zyrtarëve të tjerë që të përmbushin detyrimin brenda afatit, duke theksuar rëndësinë e deklarimit në kohë për forcimin e integritetit dhe transparencës në institucionet publike. Në rast të mosdeklarimit, vonesës apo deklarimeve të pasakta, ligji parashikon sanksione që variojnë nga gjobat deri në 500 euro, kallëzime penale dhe dënime me burg deri në pesë vjet, si dhe konfiskim të pasurisë së padeklaruar. Për të lehtësuar procesin, APK ka krijuar një sistem elektronik dhe manuale udhëzuese për përdoruesit, të cilat janë të disponueshme në faqen zyrtare të agjencisë.