Kryeministri Edi Rama ka thirrur mbledhjen e Grupit Parlamentar të Partisë Socialiste dhe kabinetit qeveritar në Pallatin e Brigadave, ku diskutimet fokusohen në analizën e punës së qeverisë dhe situatën politike aktuale. Takimi nisi me raportin e kryetarit të Kuvendit, Niko Peleshi, mbi aktivitetin parlamentar dhe përmirësimet teknologjike, ndërsa kreu i grupit parlamentar socialist, Taulant Balla, bëri një bilanc të angazhimit të deputetëve në sesionin aktual. Rama pritet të mbajë fjalën e tij rreth mesditës, duke reflektuar mbi sfidat e periudhës së ardhshme, përfshirë protestat dhe debatet publike, si dhe duke dhënë udhëzime të reja për ministrat dhe drejtuesit e institucioneve. Një tjetër temë kyçe e mbledhjes është integrimi europian dhe mundësia e ndryshimeve në kabinet dhe drejtimin e institucioneve publike, me fokus përmbushjen e pritshmërive qeverisëse.