Rreth 100 mijë qytetarë kanë nënshkruar një peticion kombëtar në mbështetje të krerëve të Ushtrisë Çlirimtare të Kosovës që po gjykohen në Gjykatën Speciale në Hagë. Nënkryetari i OVL-UÇK-së, Fatmir Sopi, njoftoi se 28 mijë nënshkrime janë mbledhur online, ndërsa pjesa tjetër fizikisht, dhe dorëzimi i tyre në Hagë pritet të bëhet në fillim të majit. Ai shtoi se hapat e mëtejshëm të organizatës do të varen nga vendimet dhe zhvillimet në gjykatë. Avokati Asdren Bytyqi theksoi se peticioni mund të ketë ndikim simbolik dhe politik, por jo ligjor, ndërsa kritikoi procesin e gjykimit për shkelje të të drejtave themelore të të pandehurve dhe trajtim jo të drejtë gjatë paraburgimit.