Ambasadori britanik në Kosovë, Jonathan Hargreaves, u bëri thirrje forcave politike që të bashkëpunojnë për të krijuar sa më shpejt një parlament të qëndrueshëm, një qeveri funksionale dhe një presidencë që do të forcojnë institucionet e vendit. Ai theksoi rëndësinë e bashkëpunimit dhe kompromisit politik si elementë kyç për ndërtimin e një shteti demokratik, multietnik dhe të besueshëm. Në pritjen solemne për ditëlindjen e Mbretit Charles III, Hargreaves vlerësoi përparimin e Kosovës që nga viti 1999 dhe njoftoi hapjen e Qendrës Teknologjike Britani–Kosovë, e cila do të forcojë bashkëpunimin në sektorin e teknologjisë. Ushtruesja e detyrës së presidentes, Albulena Haxhiu, theksoi miqësinë e thellë ndërmjet Kosovës dhe Mbretërisë së Bashkuar, duke vlerësuar mbështetjen e vazhdueshme në fusha të ndryshme, përfshirë sigurinë, arsimin dhe zhvillimin ekonomik.