Aleanca për Shqiptarët ka ngritur shqetësime të mëdha për reduktimin e rreth 300 paraleleve në arsimin fillor dhe të mesëm në Maqedoninë e Veriut, si dhe mbylljen e 26 shkollave rurale. Sipas tyre, ky fenomen nuk është thjesht një çështje administrative, por pasqyrë e një katastrofe demografike dhe sociale që po shkatërron të ardhmen e vendit. Qeveria e quan këtë proces “optimizim”, ndërsa Aleanca e quan dështim, duke theksuar mungesën e politikave për stimulimin e natalitetit dhe largimin masiv të familjeve drejt vendeve evropiane. Ata kërkojnë përgjegjësi dhe veprim të menjëhershëm për të ndalur shpopullimin dhe për të rikthyer shpresën në komunitetet shqiptare dhe më gjerë.