Bedri Hamza, kandidati për kryeministër nga Partia Demokratike e Kosovës, ka zhvilluar takime me qytetarë në Prishtinë dhe Prizren, ku ka marrë mbështetje të madhe për misionin e tij për t’i thënë “stop” krizës në vend. Ai theksoi se qytetarët janë të lodhur nga situata ekonomike dhe sociale dhe kërkojnë institucione që punojnë për problemet reale të jetës së përditshme, si çmimet, pagat dhe dinjitetin e familjeve. Hamza u shpreh se energjia dhe mbështetja nga qytetarët anekënd Kosovës janë sinjale të qarta se koha për ndryshim ka ardhur. Ai bëri thirrje që më 7 qershor të zgjidhet ndryshimi përballë krizës dhe të krijohet një shtet që punon për njerëzit.