Deputeti Fatmir Mediu zhvilloi një seri takimesh në Departamentin e Shtetit të SHBA dhe Asamblenë Parlamentare të NATO-s, ku theksoi nevojën urgjente për rritjen e shpenzimeve të mbrojtjes në 5% të PBB-së dhe forcimin e NATO-s. Ai paralajmëroi për rrezikun e uljes së pranisë së KFOR-it në Ballkan, në një kohë kur ndikimi i Rusisë dhe Kinës po rritet ndjeshëm në rajon. Mediu kërkoi gjithashtu njësimin e politikave të kontrollit mbi investimet në fushën e mbrojtjes në Shqipëri dhe vendet e Ballkanit, për të shmangur penetrimin e shteteve keqdashëse si Kina dhe Rusia. Në takimet me zyrtarë amerikanë, përfshirë asistent sekretarin Brendan Hanrahan dhe zëvendësndihmës sekretarin Michael Vaccarro, u theksua rëndësia e bashkëpunimit të ngushtë dhe zhvillimit të industrisë së mbrojtjes në Evropë për të garantuar sigurinë dhe stabilitetin në rajon.