Në Oslo të Norvegjisë ka nisur aktiviteti “Ora e Pritjes”, ku mërgata shqiptare po numëron ditët deri më 16 shtator, datë kur pritet të jepet verdikti për ish-krerët e Ushtrisë Çlirimtare të Kosovës, Hashim Thaçi, Kadri Veseli, Jakup Krasniqi dhe Rexhep Selimi, të cilët po mbahen në Hagë. Ky event është organizuar nga përfaqësues politikë, aktivistë dhe pjesëtarë të komunitetit shqiptar në Norvegji, me qëllim mbështetjen e çlirimtarëve dhe kërkimin e drejtësisë për ta. Ismail Tasholli, përfaqësues i platformës “Liria ka emër”, ka falënderuar mërgatën për solidaritetin dhe ka theksuar se zëri i shqiptarëve po dëgjohet në shumë vende, duke kërkuar kthimin e çlirimtarëve në atdhe. Mesazhi i përbashkët është se Kosova pret drejtësi dhe shpreson në një vendim që do të sjellë qetësi dhe drejtësi për ish-udhëheqësit e saj.