Veprimtari i çështjes kombëtare, Hektor Beqiri, ka bërë thirrje që mërgata shqiptare të mobilizohet më 16 shtator pranë Gjykatës Speciale në Hagë, ditën kur pritet të shpallet vendimi për krerët e Ushtrisë Çlirimtare të Kosovës. Ai ka theksuar se mijëra shqiptarë do të mblidhen për të shprehur mbështetjen e tyre për çlirimtarët, duke e cilësuar mërgatën si një forcë dhe zë të fuqishëm të Kosovës. Beqiri ka nënvizuar se pas gjashtë vitesh përballje dhe pritjeje të padrejtësive, krerët e UÇK-së nuk do të jenë vetëm në këtë moment të rëndësishëm. Ai ka siguruar se më 16 shtator zëri i mërgatës do të dëgjohet fuqishëm pranë gjykatores në Hagë, duke paralajmëruar një protestë masive dhe të organizuar.