Mërgimtarët kosovarë në Slloveni kanë paralajmëruar një protestë paqësore dhe simbolike në mbështetje të ish-krerëve të Ushtrisë Çlirimtare të Kosovës që po gjykohen në Hagë. Aktiviteti do të mbahet më 13 shtator në Lubjanë, duke filluar nga ora 20:00, dhe do të zhvillohet në heshtje, me respekt dhe dinjitet. Protestuesit do të ndezin dritat në duart e tyre si simbol i shpresës, së vërtetës dhe lirisë, duke kërkuar drejtësi dhe një proces të drejtë gjyqësor. Kjo ngjarje vjen pak ditë para vendimit final të Gjykatës Speciale më 16 shtator, që pritet të jetë një moment kyç për ish-krerët e UÇK-së.