Platforma “Liria ka Emër” ka publikuar një video simbolike ku shfaqet një helikopter me një bluzë që mban portretet e katër krerëve të Ushtrisë Çlirimtare të Kosovës dhe mbishkrimin “Liria ka Emër”. Kjo video përcjell një mesazh të fuqishëm për ata që dhanë gjithçka për lirinë e Kosovës, duke theksuar sakrificën e tyre për të ardhmen e brezave që do të vijnë. Mesazhi i drejtohet drejtpërdrejt ish-krerëve të UÇK-së, ndërsa afron vendimi për ta, duke i siguruar se Kosova i pret me krenari dhe mirënjohje. Në fund të videos theksohet se Kosova është një vend i lirë dhe mirënjohës, duke i ftuar ata të kthehen në shtëpi.