Në Serbi po vazhdojnë të shfaqen mesazhe kërcënuese ndaj Kosovës, ndër të cilat një grafit i ri me mbishkrimin “Kur ushtria të kthehet në Kosovë” është vendosur në Peruçac, pranë rrugës drejt Mitrovicës. Ky grafit u shfaq më 9 gusht, në të njëjtën ditë kur presidenti serb Aleksandër Vuçiq kërcënoi Kosovën me ndryshimin e rrjedhës së lumit Ibër, një nga burimet më vitale të ujit për Kosovën. Vuçiq njoftoi se Serbia po mbledh ekspertë për të shqyrtuar këtë mundësi, duke e paraqitur si një masë kundër trajtimit të popullit serb. Këto mesazhe dhe deklarata vijnë në një kohë tensioni të lartë dhe janë pjesë e një serie kërcënimesh që kanë shfaqur prej vitesh grupe të ndryshme në Serbi, duke përfshirë edhe tifozët e klubeve të futbollit.