Bardhyl Meta, këshilltar i presidentes Vjosa Osmani, ka deklaruar se Osmani nuk do të tërhiqet nga politika pas përfundimit të mandatit të saj dhe pritet të rikthehet në skenën politike. Ai theksoi se nëse Osmani do të bashkohej me LDK-në, kjo parti do të kishte përqindje tjetër dhe do të zvogëlohej dallimi mes partive politike në Kosovë. Meta e përshkroi Osmani si rivalen më të madhe të kryeministrit Kurti dhe vlerësoi se aktivizimi i saj në politikë do të sjellë stabilitet në skenën politike. Ai gjithashtu mbështeti idenë e kryetarit të LDK-së për krijimin e një blloku të djathtë, duke e konsideruar atë një hap pozitiv për vendin.