Berat Rukiqi nga Lidhja Demokratike e Kosovës ka reaguar ashpër ndaj mënyrës së transmetimit të ndeshjeve të Kampionatit Botëror nga RTK dhe VALA, duke akuzuar këto institucione se po ua kufizojnë qasjen mijëra qytetarëve. Ai thekson se të dyja institucionet financohen me para publike, ndaj interesi publik duhet të jetë prioritet dhe jo një marrëveshje që përjashton qytetarët. Problemi prek më së shumti fëmijët dhe familjet me të ardhura të ulëta, të cilët nuk kanë mundësi të paguajnë tarifat shtesë për të ndjekur ndeshjet. Rukiqi thekson se një ngjarje që bashkon breza dhe familje në mbarë botën po bëhet e paarritshme për ata që kanë më shumë nevojë për gëzim.