Kryeministri Edi Rama përmbylli vizitën e tij zyrtare në Japoni, ku u prit me një ceremoni të lartë shtetërore në Tokio nga kryeministrja japoneze, Sanae Takaichi. Gjatë qëndrimit, Rama shprehu mirënjohjen për mikpritjen e veçantë dhe e konsideroi këtë si një shenjë respekti për Shqipërinë e ndryshuar në sytë e botës. Vizita u fokusua në forcimin e partneritetit strategjik mes Shqipërisë dhe Japonisë, duke përfshirë bashkëpunimin në ekonomi, kulturë dhe diplomaci. Kryeministri mori pjesë në aktivitete institucionale dhe iu drejtua panelit në Universitetin e Kombeve të Bashkuara në Tokio, ku theksoi rëndësinë e rolit të Japonisë në procesin e integrimit europian të Shqipërisë dhe zhvillimin e qëndrueshëm me angazhimin e të rinjve.