Kompania “Rad 028”, në pronësi të Radulle Steviqit, i akuzuar nga autoritetet e Kosovës për përfshirje në sulmin e armatosur në Banjskë dhe pastrim parash, vazhdon të fitojë kontrata publike me vlerë miliona euro nga institucionet e Serbisë. Pavarësisht sanksioneve ndërkombëtare dhe aktakuzave, kompania ka marrë këtë vit mbi një milion euro për projekte ndërtimore, ndërsa disa nga punimet e pretenduara nuk janë realizuar në terren. Ekspertët dhe njohësit e çështjes paralajmërojnë se kjo situatë mund të dëmtojë seriozisht besimin e partnerëve ndërkombëtarë ndaj institucioneve serbe dhe rrugën e Serbisë drejt Bashkimit Evropian, duke ngritur dyshime për mungesë vullneti institucional në luftën kundër krimit të organizuar.