Ministri i Infrastrukturës dhe Transportit, Dimal Basha, ka deklaruar se do të trajtojë fondet e shtetit me kujdes maksimal dhe përgjegjësi të lartë gjatë ushtrimit të detyrës së tij. Ai theksoi në Debat Plus në TV Dukagjini se i sheh paratë e shtetit sikur të ishin të tijat dhe do të sigurohet që çdo cent i buxhetit të përdoret në mënyrë efikase për projektet infrastrukturore. Basha po ashtu garantoi që do t’u ofrohet mundësia operatorëve ekonomikë për të kryer punët në mënyrë të drejtë, pa manipulime apo keqpërdorime. Ai u shpreh se nuk do të lejojë në asnjë moment që shteti të dëmtohet nga praktika të tilla.