Ministri i Infrastrukturës dhe Transportit, Dimal Basha, ka inspektuar gjatë gjithë ditës rrugën Prishtinë-Podujevë për të parë nga afër progresin e punimeve në të gjitha segmentet e projektit. Ai ka zhvilluar takime me përfaqësuesit e operatorëve ekonomikë dhe ekipet e punës, duke kërkuar rritje të ritmit të punimeve dhe përmbushje të obligimeve kontraktuale me seriozitet maksimal. Basha ka theksuar rëndësinë e seriozitetit dhe përmbushjes së çdo detyrimi me përgjegjësi, kompetencë dhe cilësi maksimale. Ai ka kërkuar gjithashtu afatizim konkret për çdo fazë të punës dhe shtim të kapaciteteve në terren për të përshpejtuar realizimin e projektit.