Ministri i Punëve të Jashtme të Belgjikës, Maxime Prevot, është pyetur për shqetësimet lidhur me shkeljet e të drejtave të njeriut në procesin gjyqësor ndaj krerëve të UÇK-së në Hagë. Ai ka pranuar se nuk ka të gjitha detajet për këtë çështje, por ka premtuar se do t’i dërgojë homologut kosovar, Glauk Konjufca, pozicionin zyrtar të Belgjikës. Prevot ka theksuar se nuk dëshiron të japë përgjigje të nxituara dhe do të konsultohet me ekipin e tij për të siguruar një qëndrim të saktë. Belgjika është gjithashtu shteti i vetëm që ka marrëveshje me Dhomat e Specializuara për transferimin e të dënuarve, duke e bërë rolin e saj në këtë proces më të rëndësishëm.