Ministri i Mbrojtjes, Ejup Maqedonci, ka bërë thirrje të rinjve që të aplikojnë për rekrutimin në Forcën e Sigurisë së Kosovës, duke theksuar se kanë mbetur vetëm dy ditë deri në mbylljen e konkursit. Ai i ka inkurajuar ata që ta shohin këtë si një mundësi për të shërbyer vendit dhe për të ndërtuar një karrierë me dinjitet, përgjegjësi dhe profesionalizëm. Në një postim në Facebook, Maqedonci ka theksuar rëndësinë e këtij procesi dhe ka ftuar të rinjtë që të bëhen pjesë e Forcës së Sigurisë së Kosovës. Konkursi për rekrutimin e ushtarëve të rinj po afron në përfundim, duke krijuar një mundësi të rëndësishme për të rinjtë që dëshirojnë të kontribuojnë në sigurinë dhe mbrojtjen e vendit.