Ministri i Mbrojtjes, Ejup Maqedonci, është ftuar dhe do të marrë pjesë në ngjarjen kryesore të industrisë belge të mbrojtjes dhe hapësirës ajrore, BEDEX 2026, që mbahet në Belgjikë. Ai do të qëndrojë në Bruksel të enjten dhe të premten, ku do të zhvillojë një takim bilateral me homologun belg, ministrin Theo Francken. Maqedonci e sheh këtë pjesëmarrje si një mundësi të rëndësishme për forcimin e bashkëpunimit ndërkombëtar në fushën e mbrojtjes dhe sigurisë, si dhe për krijimin e kontakteve të reja me përfaqësues të industrisë dhe institucioneve partnere. Gjatë qëndrimit të tij, ai do të vizitojë disa kompani të njohura të industrisë së mbrojtjes për të identifikuar mundësi konkrete për zhvillimin e kapaciteteve mbrojtëse.