Ministri i Shëndetësisë, Arben Vitia, priti në takim Anthony Randazzo, Drejtor Menaxhues i Zyrës për Bizneset e Vogla dhe Shërbimet Financiare në U.S. International Development Finance Corporation, së bashku me përfaqësues të Ambasadës së SHBA-së në Kosovë. Gjatë takimit u diskutuan prioritetet kryesore të Ministrisë së Shëndetësisë, me fokus në përmirësimin dhe zhvillimin e kapaciteteve të sektorit shëndetësor. Palët shqyrtuan mundësitë konkrete për investime në shëndetësi dhe bashkëpunim të mëtejshëm në fushën e bujqësisë. Ministri Vitia falënderoi partnerët ndërkombëtarë për mbështetjen e tyre të vazhdueshme, duke e konsideruar këtë takim një hap të rëndësishëm drejt forcimit të sistemit shëndetësor dhe përmirësimit të shërbimeve për qytetarët e Kosovës.