Ministri i Bujqësisë, Armend Muja, ka nënshkruar një vendim për racionalizimin e hapësirave administrative të Ministrisë dhe institucioneve vartëse, duke i zhvendosur ato në objekte publike dhe duke shfrytëzuar pronën e shtetit. Ky vendim synon të eliminojë kostot e panevojshme të qirasë, duke sjellë kursime prej rreth 1 milion euro në vit. Kursimet do të investohen në mbështetje për prodhimin vendor dhe fermerët, investime në mekanizim dhe teknologji bujqësore, zgjerim të ujitjes dhe rritje të produktivitetit, si dhe mbështetje për të rinjtë dhe gratë në bujqësi. Gjithashtu, do të krijohen Qendra të Integruara për Shërbime Bujqësore që do të ofrojnë shërbime më të organizuara, më të shpejta dhe më afër fermerëve, duke ndërtuar një administratë më efikase dhe me ndikim të drejtpërdrejtë për qytetarët.