Ministri në detyrë i Administrimit të Pushtetit Lokal, Elbert Krasniqi, i ka dërguar kërkesa zyrtare kryetarëve të komunave të Mitrovicës së Veriut, Zveçanit dhe Zubin Potokut për emërimin e nënkryetarëve dhe zëvendëskryesuesve të kuvendeve komunale për komunitete. Këto veprime janë obligime ligjore të përcaktuara nga legjislacioni në fuqi të Republikës së Kosovës dhe nuk varen nga vullneti institucional. Krasniqi ka theksuar se disa komuna të tjera, si Gjakova, Lipjani dhe Ferizaj, kanë përmbushur këto detyrime edhe pa obligim ligjor, duke treguar përkushtim ndaj gjithëpërfshirjes dhe përfaqësimit të komuniteteve. Ministria e Administrimit të Pushtetit Lokal do të vazhdojë të kërkojë respektimin e plotë të ligjit për vetëqeverisjen lokale, duke garantuar trajtim të barabartë për të gjithë qytetarët dhe komunitetet.