Zëvendëskryeministrja dhe ministrja e Drejtësisë në detyrë, Donika Gërvalla, vizitoi qendrën “Linja e Jetës”, e vetmja organizatë në Kosovë për parandalimin e vetëvrasjes që funksionon në bazë vullnetare që nga viti 2019. Gjatë vizitës, ajo vlerësoi punën e palodhur të stafit dhe vullnetarëve që ofrojnë mbështetje emocionale dhe psikologjike për qytetarët në nevojë. Ministrja theksoi rëndësinë e shëndetit mendor dhe nevojën për qasje reale dhe kujdes, duke nënvizuar se të flasësh është një hap i rëndësishëm, ndërsa të dëgjohesh është fillimi i ndihmës. Në përfundim, Gërvalla inkurajoi të gjithë ata që kanë nevojë të kërkojnë ndihmë në “Linjën e Jetës”, duke theksuar se kjo nuk është shenjë dobësie, por një akt guximi dhe përgjegjësie ndaj vetes.