Ministrja serbe e Administratës Lokale, Snezhana Paunoviq, ka kërkuar falje ndaj presidentit Aleksandar Vuçiq, Qeverisë së Serbisë dhe kryeministrit Gjuro Macut për pasojat politike të deklaratës së saj për “spastrimin etnik të Kosovës”. Ajo argumenton se fjalët e saj janë nxjerrë jashtë kontekstit dhe se vetëm shtatë sekonda nga një intervistë njëorëshe janë përdorur për të krijuar polemikë. Megjithatë, në intervistën e transmetuar, ajo shprehet qartë se nëse do të ishte në vend të ish-presidentit Millosheviq, do të kishte spastruar etnikisht Kosovën, duke mbajtur kështu qëndrimin e saj.