Ministrja e Industrisë, Ndërmarrësisë, Tregtisë dhe Inovacionit, Mimoza Kusari-Lila, zhvilloi një takim me përfaqësuesit e Institutit GAP për të diskutuar mundësitë e bashkëpunimit në kuadër të reformave të ministrisë. Fokus i veçantë u vu mbi Mekanizmin e Rregullimit Kufitar të Karbonit (CBAM) të Bashkimit Evropian dhe nevojën për informim më të mirë të bizneseve kosovare lidhur me detyrimet e monitorimit, raportimit dhe verifikimit. Palët diskutuan gjithashtu përfshirjen e odave ekonomike dhe organizatave të shoqërisë civile në hartimin e strategjive zhvillimore. Ministrja theksoi rëndësinë e bashkëpunimit ndërmjet institucioneve publike, sektorit privat dhe shoqërisë civile për avancimin e reformave, rritjen e konkurrueshmërisë dhe përshpejtimin e integrimit evropian të Kosovës.