Kryenegociatori i Kosovës me BE-në, Jeton Zulfaj, priti ambasadorin suedez Jonas Westerlund në përfundim të mandatit të tij në Kosovë. Gjatë takimit u theksua rëndësia e lidhjeve të ngushta mes dy vendeve, të bazuara në vlera të përbashkëta dhe një miqësi të qëndrueshme. U vlerësua mbështetja e vazhdueshme e Suedisë për zhvillimin demokratik dhe socio-ekonomik të Kosovës, si dhe për procesin e integrimit evropian. Zulfaj përmendi shembuj konkretë të bashkëpunimit ekonomik, si themelimi i Odës Ekonomike Nordike dhe investimet e kompanive si Ericsson, Lindex dhe Volvo, ndërsa theksoi nevojën për avancimin e Kosovës drejt statusit të vendit kandidat në BE.