Forca e Sigurisë së Kosovës po përgatitet për një nga operacionet më serioze dhe të rrezikshme në historinë e saj, duke dërguar ushtarë në misionin ndërkombëtar në Gazë. Ministria e Mbrojtjes ka ndryshuar ligjin për të garantuar mbështetje financiare shtesë, duke përfshirë kompensime deri në 200 mijë euro për ushtarët që pësojnë gjymtim, dhe deri në 100 mijë euro për familjet në rast vdekjeje aksidentale. Përveç pagave, akomodimit dhe sigurimeve jetësore, parashikohet edhe mbulimi i shpenzimeve mjekësore deri në 300 mijë euro. Një ekip i zgjedhur nga komandanti Bashkim Jashari po kryen vëzhgimin dhe përgatitjet operative në terren, ndërsa FSK-ja ka përvojë nga misionet e mëparshme në Kuvajt, Belizë dhe Britani të Madhe.