Platforma qytetare “Liria Ka Emër” ka vendosur në Mitrovicë “Orën e Pritjes”, e cila po numëron mbrapsht deri më 16 shtator, datë kyçe për drejtësinë dhe lirinë e çlirimtarëve Hashim Thaçi, Kadri Veseli, Jakup Krasniqi dhe Rexhep Selimi. Në këtë aktivitet morën pjesë përfaqësues të platformës, kryetari i Partisë Demokratike të Kosovës Bedri Hamza, si dhe qytetarë të shumtë, duke shpalosur një baner gjigant me mesazhin “Në emër të popullit, shpalleni TË PAFAJSHËM!”. Nga Mitrovica u përcoll mesazhi i fortë se Kosova pret drejtësi dhe kthimin e tyre në atdhe, ndërsa aktivitetet e “Liria Ka Emër” do të vazhdojnë me Marshin për Liri më 12 shtator në Prishtinë, ku qytetarët ftohen të bashkohen në mbështetje të luftës së drejtë të UÇK-së.