Komuna e Mitrovicës ka vendosur një kod të ri veshjeje për të gjithë ata që duan të hyjnë në ambientet e saj administrative. Sipas rregullave të reja, nuk do të lejohet hyrja për personat që vishen me pantallona të shkurtra, maica pa mëngë, apo minifunde, pavarësisht nëse janë meshkuj apo femra. Kjo masë synon të ruajë standardet e paraqitjes dhe të krijojë një ambient institucional të përshtatshëm gjatë ofrimit të shërbimeve për qytetarët. Komuna fton qytetarët të respektojnë këto rregulla për të shmangur refuzimin e hyrjes në institucion.