Lideri i Partisë Socialdemokrate, Dardan Molliqaj, ka reaguar ashpër ndaj vendimit të Vetëvendosjes për të propozuar Glauk Konjufcën si kandidat për president të Kosovës. Ai përmes një video në Facebook theksoi se ky është një moment vendimtar për vendin dhe se duhet t’i thuhet jo kapjes së shtetit. Molliqaj shprehu kundërshtimin e tij të prerë ndaj kandidaturës së Konjufcës, duke e parë atë si një rrezik për institucionet dhe demokracinë në Kosovë. Ky reagim vjen në një kohë kur po zhvillohen diskutime intensive politike për zgjedhjen e presidentit të ri.