Ministri për Familje dhe Mirëqenie Sociale, Andin Hoti, ka deklaruar se mungesa e bashkëpunimit nga Serbia është pengesa kryesore për zbardhjen e fatit të babait të tij, veprimtarit të zhdukur Ukshin Hoti. Ai theksoi se babai i tij është marrë nga institucionet shtetërore të sigurisë në Serbi dhe përgjegjësia bie drejtpërdrejt mbi autoritetet serbe. Pavarësisht përpjekjeve dhe vizitave të delegacionit kosovar në Serbi, informacionet e kërkuara nuk janë dhënë, duke u mbajtur sekret arkivat e klasifikuara. Hoti nënvizoi se përveç aspektit profesional, mungon vullneti politik dhe presioni ndërkombëtar për të siguruar të dhënat që do të ndihmonin në zbardhjen e fatit të babait të tij.