Ministria e Punëve të Jashtme dhe Diasporës, gjatë kohës kur drejtohej nga Donika Gërvalla, ka blerë 500 kopje të librit “Masakrat në Kosovë 1998-1999” të autorit Shkëlzen Gashi për një shumë prej 14,999 eurosh. Ky libër, i përkthyer në anglisht, është blerë nga shtëpia botuese “Dukagjini” përmes një tenderi të negociuar pa publikim të njoftimit të kontratës. Përfaqësuesja e shtëpisë botuese ka deklaruar se shitja bëhet pa përfitim financiar dhe të ardhurat do të përdoren për krijimin e një platforme online dedikuar krimeve të luftës në Kosovë. Libri dokumenton masakrat e kryera nga forcat serbe gjatë viteve 1998-1999 dhe synon të informojë opinionin ndërkombëtar, të luftojë mohimin e krimeve dhe të ruajë kujtesën historike.