Gazmend Muhaxheri, njëri prej iniciuesve të shkarkimit të Lumir Abdixhikut, ka komentuar pas rikonfirmimit të Abdixhikut si kryetar i Lidhjes Demokratike të Kosovës. Ai ka pranuar se rezultati ishte i ngushtë, por thekson se kjo është vullneti i delegatëve të Kuvendit dhe i ka uruar kryetarit fitore. Muhaxheri ka nënvizuar se LDK-ja mbetet shtëpia e përbashkët e anëtarëve dhe nuk do të përçahet, duke shtuar se ditët në vijim do të tregojnë vlerën e kësaj fitoreje.