Ministri i Bujqësisë, Armend Muja, priti përfaqësues të Gjermanisë për të diskutuar bashkëpunimin në sektorin e bujqësisë dhe zhvillimin rural në Kosovë. Në takim morën pjesë përfaqësues të Ambasadës gjermane dhe GIZ-it, ku u trajtuan objektivat strategjike dhe politikat për modernizimin e bujqësisë dhe përkrahjen e fermerëve. Muja theksoi rëndësinë e thellimit të bashkëpunimit, veçanërisht në prodhimin e frutave, perimeve dhe hortikulturës, si fusha me potencial të madh zhvillimi. Ai gjithashtu kërkoi mbështetje nga Gjermania për rritjen e cilësisë së ushqimit dhe falënderoi për kontributin e vazhdueshëm në sektorin bujqësor dhe zhvillimin rural.