Ministri i Bujqësisë, Pylltarisë dhe Zhvillimit Rural, Armend Muja, priti në takim Shefen e Zyrës Ndërlidhëse të Greqisë në Kosovë, Heleni Vakali, ku diskutuan për avancimin dhe thellimin e marrëdhënieve ndërmjet dy vendeve. Muja theksoi rëndësinë e forcimit të bashkëpunimit bilateral dhe potencialin për zhvillim të mëtejmë në fushën ekonomike, duke përfshirë rritjen e investimeve dhe zgjerimin e bashkëpunimit në sektorë strategjikë të bujqësisë. Nga ana e saj, znj. Vakali shprehu gatishmërinë për të vazhduar dhe intensifikuar bashkëpunimin në fusha si bujqësia, zhvillimi rural dhe investimet. Palët diskutuan mundësi konkrete për bashkëpunim me qëllim rritjen e mirëqenies ekonomike dhe forcimin e lidhjeve institucionale mes Kosovës dhe Greqisë.