Ministria e Mbrojtjes së Kosovës ka hapur konkursin për nominimin e kandidatëve që do të kenë mundësi të studiojnë në Akademinë Ushtarake të Shteteve të Bashkuara të Amerikës. Të drejtë aplikimi kanë shtetasit e Kosovës, të moshës 18 deri në 22 vjeç, që kanë përfunduar shkollën e mesme dhe plotësojnë kriteret shëndetësore, fizike dhe ligjore të përcaktuara në konkurs. Ky program ofron një mundësi të veçantë për të rinjtë që duan të ndërtojnë karrierë ushtarake dhe të marrin arsim në një prej akademive më prestigjioze në botë. Afati për dorëzimin e aplikimeve është nga 24 gushti deri më 7 shtator 2026, ndërsa të gjitha informacionet dhe kriteret janë të publikuara në faqen zyrtare të Ministrisë së Mbrojtjes.