Ministri i Mbrojtjes së Kosovës, Ejup Maqedonci, ka deklaruar se mundësitë për antarësimin e Kosovës në NATO janë shumë më të mëdha se më parë, për shkak të ndryshimeve në ambientin global të sigurisë dhe qëndrimeve të partnerëve ndërkombëtarë. Ai theksoi rëndësinë e mbështetjes së SHBA-ve, Mbretërisë së Bashkuar dhe disa vendeve të Bashkimit Evropian, të cilat e shohin angazhimin e Kosovës si pjesë të Aleancës si një prioritet. Maqedonci përmendi edhe miratimin nga Kongresi Amerikan të një ligji që adreson anëtarësimin e vendeve të Ballkanit Perëndimor në NATO, ku Kosova dhe Bosnje-Hercegovina mbeten të vetmet vende jo anëtare. Ai shtoi se Forca e Sigurisë së Kosovës është e përgatitur dhe e pajisur sipas standardeve të NATO-s, duke bërë hapa të rëndësishëm drejt integrimit në Aleancë.