Pak orë para përfundimit të afatit për dorëzimin e listave zgjedhore në Komisionin Qendror të Zgjedhjeve, partitë politike ende nuk kanë dorëzuar listat finale të kandidatëve. Analisti Adem Qorrolli ka deklaruar në emisionin “Debat Plus” se në listën e Lëvizjes Vetëvendosje pritet të mungojnë figura të njohura të partisë, për shkak të dyshimeve për korrupsion dhe mundësisë së ngritjes së aktakuzave ndaj tyre. Sipas tij, brenda VV-së ka një urdhër që çdo kandidat ndaj të cilit pritet të ngrihet aktakuzë ose ka dyshime për korrupsion, të largohet nga lista zgjedhore. Kjo do të sjellë mungesën e shumë fytyrave të njohura dhe serioze nga lista e vjetër në atë të re të VV-së.