Ish-gjyqtarja e Gjykatës Kushtetuese, Gjyljeta Mushkolaj, thekson se kriza institucionale në Kosovë nuk vjen nga tekstet e Kushtetutës, por nga mungesa e "patriotizmit kushtetues" në interpretimin dhe zbatimin e saj. Ajo shpjegon se Kushtetuta duhet të interpretohet në tërësi dhe në frymën e saj, jo vetëm duke u fokusuar në nene të veçanta. Mushkolaj kujton se Kushtetuta e Kosovës është hartuar me mbikëqyrjen e faktorëve ndërkombëtarë dhe Komisionit të Venecias, i cili e ka konsideruar atë si një model kushtetues. Sipas saj, sfidat aktuale lidhen edhe me sistemin kushtetues që kërkon përfshirjen e komuniteteve joshumicë në qeverisje, duke e bërë më të vështirë krijimin e mazhorancave stabile dhe funksionimin e institucioneve.