Deputetja e Aleancës për Kosovën, Teuta Haxhiu, ka kritikuar ashpër ministrin e Arsimit, Hajrulla Çeku, për mungesë transparence dhe angazhim të pamjaftueshëm në sigurimin e librave shkollorë para fillimit të vitit të ri shkollor. Ajo ka theksuar se, megjithëse kanë mbetur vetëm 10 ditë deri në fillim të vitit shkollor, prindërit përballen me pasiguri dhe kaos për shkak të vonesave në aplikimin për subvencionimin e librave, i cili u hap vetëm më 27 korrik, shumë më vonë se në shtetet e rajonit.