Deputetja e PDK-së, Ganimete Musliu, ka deklaruar se Partia Demokratike e Kosovës ka bërë përpjekjet e nevojshme për të tejkaluar krizën politike që po përjeton vendi. Ajo theksoi se PDK ka ofruar zgjidhje konkrete për ngërçin dhe ka kërkuar që presidenti i ardhshëm të jetë nga ky subjekt politik, megjithëse emrat nuk u bënë publik për të shmangur sulmet politike. Musliu akuzoi kryeministrin Albin Kurti se po thellon këtë ngërç politik për të kapur pushtetin në mënyrë autoritare dhe për të menaxhuar shtetin në mënyrë të centralizuar. Sipas saj, qëllimi i Kurtit është kontrolli total i institucioneve dhe jo zgjidhja e krizës.