Deputetja e PDK-së, Ganimete Musliu, ka shprehur pakënaqësi të thellë ndaj kryeministrit Albin Kurti, duke pyetur se sa shanse duhet t’i jepet ai ende nga populli i Kosovës. Ajo thekson se qytetarët i dhanë tri herë radhazi besimin më të madh politik në historinë e pasluftës, madje edhe pas dështimeve në dy mandatet e para, duke i dhënë një mandat me mbi 50% për të ndërtuar institucione stabile dhe për të çuar vendin përpara. Megjithatë, Musliu kritikon bllokadat dhe vonesat në funksionalizimin e institucioneve, duke theksuar se Kosova nuk mund të mbahet peng i kalkulimeve politike dhe se qytetarët nuk votuan për stagnim, por për përgjegjësi dhe veprim konkret.