Deputetja e Partisë Demokratike të Kosovës, Ganimete Musliu, ka kritikuar ashpër kryeministrin Albin Kurti dhe Lëvizjen Vetëvendosje për mosfunksionimin e institucioneve në vend. Ajo theksoi se PDK-ja nuk është e interesuar për pozita apo oferta politike, por për funksionalizimin e shtetit dhe akuzoi Vetëvendosjen për tendenca të kapjes së institucioneve. Musliu u shpreh se përgjegjësia për zgjidhjen e krizës i takon Kurtit dhe se nëse ai nuk është i zoti të qeverisë, atëherë duhet të lejojë zgjedhjet e reja. Ajo përmendi se qytetarët i kanë dhënë Vetëvendosjes 51% të votave dhe tani është koha që kjo parti të tregojë vullnet dhe dëshirë për të nxjerrë vendin nga kriza, përndryshe PDK-ja është e gatshme të ndërmarrë veprime në afat rekord.