Deputetja e Partisë Demokratike të Kosovës, Ariana Musliu-Shoshi, i ka drejtuar një sfidë të hapur kryeministrit Albin Kurti gjatë seancës plenare të Kuvendit të Kosovës, duke e pyetur pse nuk ndërmerr hapa konkretë për të zhbërë Gjykatën Speciale, përkundër që ai është deklaruar shumë kundër saj dhe nuk e ka votuar atë. Ajo kritikoi Kurtin se nuk ka rritur fondet mbrojtëse për ish-krerët e UÇK-së, edhe pse ishte e njohur se ato nuk janë të mjaftueshme. Kurti u përgjigj se ka bërë gjithçka që ka mundur dhe theksoi se fondet janë të dedikuara për katërshën e UÇK-së në Hagë, duke përsëritur qëndrimin e tij kundër Gjykatës Speciale. Musliu-Shoshi theksoi rëndësinë e mbrojtjes së çlirimtarëve, historisë dhe të ardhmes së Kosovës, duke kërkuar nga kryeministri që të marrë iniciativën për të shfuqizuar këtë gjykatë që sipas saj po aplikon standarde të dyfishta.