Deputeti i Partisë Demokratike të Kosovës, Arben Mustafa, ka deklaruar se kryeministri Albin Kurti synon të shtyjë zgjedhjet e reja për në korrik. Ai thekson se Lëvizja Vetëvendosje ka dërguar në Gjykatën Kushtetuese dekretin e presidentes Vjosa Osmani për shpërndarjen e Kuvendit, jo për të mbrojtur Kushtetutën, por për të krijuar kushte për një bllokadë institucionale dhe për të shtyrë procesin zgjedhor. Mustafa akuzon Kurtin se nuk ka guxim të ballafaqohet vetëm me qytetarët që jetojnë në Kosovë, por kërkon të shmangë edhe përballjen me diasporën. Ai gjithashtu vlerëson se problemi aktual është më shumë politik sesa kushtetues, duke theksuar mungesën e përpjekjeve të Kuvendit për zgjedhjen e presidentit brenda afateve ligjore.