Deputeti i Partisë Demokratike të Kosovës, Arben Mustafa, ka kritikuar ashpër Vetëvendosjen dhe kryeministrin Albin Kurti për mungesën e vullnetit për të formuar institucione funksionale pas zgjedhjeve. Ai e ka cilësuar si një "skenar të turpshëm" lojën politike të kompozuar nga Kurti dhe interpretuar në mënyrë të paskrupullt nga Albulena Haxhiu dhe Arbërie Nagavci, duke akuzuar Vetëvendosjen se ka shndërruar Kuvendin në një "cirk". Mustafa thekson se vendi ka kaluar çdo afat kushtetues për konstituimin e Kuvendit dhe se kjo bllokadë po pengon funksionimin normal të shtetit.