Ish-deputetja Blerta Deliu-Kodra ka kritikuar ashpër vendimin e qeverisë në detyrë për ndarjen e 100 eurove për disa kategori qytetarësh pak ditë para zgjedhjeve, duke e cilësuar këtë si “lëmoshë elektorale” dhe tentim për blerje të votës. Ajo thekson se qytetarët e Kosovës nuk janë lypsarë dhe kanë nevojë për paga dinjitoze, ekonomi të qëndrueshme dhe perspektiva reale për të rinjtë, jo për ndihma të përkohshme. Deliu-Kodra nxit qytetarët që më 7 qershor të votojnë për ndryshim dhe t’i thonë “STOP krizës”, duke kërkuar një Kosovë me zhvillim dhe mirëqenie për të gjithë. Sipas saj, vlera e votës është më e madhe se çdo përpjekje për ta blerë atë me para në momentin e fundit.