Annemarie Douwes, përfaqësuese e Zyrës së Bashkimit Evropian në Kosovë, ka deklaruar se zhvillimet politike kanë shkaktuar ngecje në implementimin dhe realizimin e aktiviteteve të Strategjisë për Sundimin e Ligjit (SSL). Kjo u bë e ditur gjatë një konference të organizuar nga Instituti i Kosovës për Drejtësi, ku u publikua raporti “Reforma në ngërç” që analizon zbatimin e SSL-së për vitin 2025. Douwes theksoi rëndësinë e strategjisë dhe përfshirjen e Bashkimit Evropian që nga viti 2011 në rishikimin funksional të saj, duke vënë në dukje se megjithatë, për shkak të situatës politike, ka pasur vonesa në realizimin e aktiviteteve. Ajo gjithashtu përgëzoi Institutin e Kosovës për Drejtësi për punën dhe raportet e tyre që janë të dobishme për monitorimin dhe përparimin e sektorit të sundimit të ligjit në Kosovë.